Innu Malti
(verżjoni oriġinali traskritta f’tonalita’ komda biex titkanta mit-tfal)
Agħfas hawn għall-mużika tal-Innu Malti.
Agħfas hawn għall-kliem tal-Innu Malti.
Skola Primarja San Pawl il-Baħar – Kulleġġ Maria Reġina
Skola Medja, Rabat – Kulleġġ San Nikola
Innu Malti Power Point (automatic)
Innu Malti Power Point (manual)
Informazzjoni dwar l-Innu Malti – wikipedia.org
Minn nofs is-seklu dsatax sas-snin tletin, Malta kienet għaddejja minn bidla fuq il-lat patrijottiku, b’ħafna ħassieba jħossu li Malta għandha jkollha l-innu nazzjonali tagħha. Fl-1850, Ġan Anton Vassallo kkompona Innu Lil Malta, li kien jintuża f’diversi manifestazzjonijiet u laqgħat politiċi Maltin.
Fl-1922, il-Professur Mro. Robert Samut ikkompona melodija qasira. Sena wara, Dr. A.V. Laferla, kap tal-iskejjel primarji f’Malta, ġietu f’idejh din il-kompożizzjoni hekk kif hu xtaq li jkollu innu li jista’ jiġi kantat mill-istudenti fl-iskejjel Maltin. Laferla staqsa lil Dun Karm Psaila biex jikteb il-kliem li jkun jista’ jaqbel mal-melodija ta’ Samut. Dun Karm Psaila kien magħruf għall-ħsibijiet reliġjużi u patrijottiċi li kien jikteb fil-poeżiji tiegħu, u fil-versi li kiteb ma naqasx li jdaħħal dawn l-elementi.
L-innu kien diġà beda jindaq f’Diċembru tal-1922, ħafna drabi fl-iskejjel tal-istat. L-ewwel darba li nstama’ fil-pubbliku kien fis-27 ta’ Diċembru 1922 u darb’oħra fis-6 ta’ Jannar 1923, waqt żewġ kunċerti fit-Teatru Manoel. Madanakollu, matul dawn iż-żewġ dehriet, tbiddlu xi versi mill-ewwel stanza. Din irrabjat lil Dun Karm, li pprotesta għal din permezz ta’ artiklu f’gazzetta lokali. Minn dakinhar ‘il quddiem l-ebda kelma ma nbidlet. Fit-8 ta’ Frar 1929, żewġ kunċerti oħra saru fit-Teatru Manoel bil-parteċipazzjoni ta’ tfal minn Tas-Sliema li kantaw il-versi oriġinali ta’ Dun Karm. L-innu ndaqq mid-Duke of Edinburgh’s Band tal-Birgu.
Fit-22 ta’ Frar 1941, il-gvern Malti ddikjara l-innu bħala l-innu uffiċjali ta’ Malta. Il-Kostituzzjoni tal-Indipendenza tal-1964 ikkonfermatu bħala l-Innu Nazzjonali ta’ Malta, li llum jirrappreżenta wieħed mis-simboli tal-identità Maltija. Ġrajja interessanti seħħet fil-25 ta’ Marzu 1945, waqt logħba futbol bejn Malta XI u t-tim Jugoslav ta’ Hajduks li ntlagħbet fil-grawnd tal-Gżira. F’dak iż-żmiem, Malta kienet għadha taħt l-Ingliżi, u l-Gvernatur Brittaniku kien preżenti. Qabel il-logħba, il-banda daqqet l-innu tal-Jugoslavja, u wara l-innu tal-Gran Brittanja, minħabba li Malta kienet għadha stat kolonjali. Hekk kif il-gvernatur kien se jpoġġi, in-nies kollha qamu u bdew ikantaw l-Innu Malti. Il-Gvernatur, minkejja li kien imbarazzat, baqa’ bilwieqfa sal-aħħar tal-innu.
L-Innu jindaqq kuljum fuq il-mezzi tax-xandir, u anki waqt il-qadi uffiċjali tal-President ta’ Malta, tal-Prim Ministru ta’ Malta, u dawk tal-personaġġi statali oħra. Fl-iskejjel u waqt attivitajiet nazzjonali importanti, l-Innu Malti jindaqq ukoll.
Ferħ u Awguri
Kliem Manwel Mifsud; Kor Proġett Kreattiv (Ħal Safi); Pjanu Dominic Galea